ВЕХИЧИЛИК

ВЕХИЧИЛИК («Вехи» тўплами номидан олинган) — рус диний-фалсафий оқими (20-а. бошлари). Унинг намояндалари — Н. А. Бердяев, С. Н. Булгаков, П. Б. Струве, С. Л. Франк, М. О. Гершензон ва б. «Вехи» («Рус зиёлилари тўғрисида мақолалар») тўпламида (Москва, 1909) инқилобий-социалистик кайфиятдаги зиёлиларнинг мафкураси, жумладан атеистик материализм, сиёсий радикаллик ва народниклик ғояларини кескин танқид қилиб чиқдилар. Вехичилар маънавиятни ижтимоий ғоялардан устун қўйиб, шахснинг ички (ботиний) ҳаёти инсоннинг бирдан-бир ижодий куч манбаидир, деб ҳисобладилар. 1917 й. октябрь тўнтаришидан кейин «Вехи» муаллифлари большевикларнинг ғоявий душманлари сифатида улар назарияси ва амалиётига қарши фикрлар билан чикдилар. Ленин кўрсатмаси билан Вехичилик ҳаракатининг лидерлари хорижга бадарға қилинди (1922). Қайта қуриш йилларида (1985—91) Н. А. Бердяев, С. Н. Булгаков, С. Л. Франк ва б. В. оқими вакилларининг асосий асарлари, жумладан «Вехи» тўплами қайта нашр этилди.

---

Кирилл алифбосида мақола: ВЕХИЧИЛИК ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)