ВИБОРГ

ВИБОРГ — РФ Ленинград вилоятидаги шаҳар. Фин қўлтиғи соҳилидаги орол ва ярим оролларда жойлашган. Саймен канали яқинидаги муҳим денгиз порти, т. й. тугуни. Аҳолиси 81 минг киши (1999). 1293 й. да Виборгда шведлар қалъа курган, кейинчалик шу қалъа атрофида шаҳар вужудга келган. 1721 й. Ништадт сулҳ шартномасига мувофиқ Виборгни Россия эгаллаган. 1918—40 й. ларда Финляндия (Виипури деб аталган) таркибида. 1940 й. яна Россияга қўшиб олинган. Виборг атрофи денгиз бўйи иклим курорта. Виборгда электр асбоблари, балиқ овлаш саноати ускуналари, қурилиш материаллари ишлаб чиқарилади, озиқ-овқат ва енгил саноат корхоналари ҳамда тиббий билим юрти, ўлкашунослик музейи ва б. музейлар бор.

---

Кирилл алифбосида мақола: ВИБОРГ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)