ВИСКОЗИМЕТРИЯ

ВИСКОЗИМЕТРИЯ — физиканинг қовушоқликни ўлчаш билан шуғулланадиган бўлими. Газ ва суюқликларнинг қовушоқлигини паст ва юқори т-ралар ҳамда босимли шароитларда ўлчашга тўғри келади. Mac, суюлтирилган газлар, эритилган металлар, юқори босимли сув буги ва б. нинг қовушоқлигини ўлчаш анча мураккаб. Вискозиметрия ана шундай шароитларда қовушоқликни ўлчаш масалаларини ҳал қилиш билан шуғулланади. Қовушоқликни ўлчашнинг 4 асосий усули: капилляр, ротацион, шарчали ва ультратовуш усуллари кенг тарқалган. Буларнинг иши тегишлича Пуазейль қонуни, Стоке конуни ва ўқдош цилиндрлар орасида суюқликнинг оқиш қонуниятларига асосланган (қ. Вискозиметр).

---

Кирилл алифбосида мақола: ВИСКОЗИМЕТРИЯ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)