ВОДИЙ ШАМОЛИ

ВОДИЙ ШАМОЛИ — тоғли ўлкалардаги водийларда кундузи водий бўйлаб юқорига, кечаси юқоридан пастга эсадиган шамол. В. ш. кундузи сийрак атмосферадан ўтиб тушадиган қуёш нурлари тоғ ён бағирларини тез қизитиб юбориши натижасида тоғда эркин атмосферадаги шу баландликдаги босимга нисбатан босимнинг камайиб кетиши натижасида вужудга келади. Тунда тоғларда узун тўлқинли нур (иссиқлик) тарқалиши кучли бўлганидан ҳаво тез совиб, оғир ҳаво водий бўйлаб пастга йўналади. Водий шамоли тоғ бризи деб ҳам аталади.

---

Кирилл алифбосида мақола: ВОДИЙ ШАМОЛИ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)