ВОЛЬТА

ВОЛЬТА (Volta) Алессандро (1745.18.2-Комо – 1827.5.3) – итальян физиги ва физиологи. Илмий ишлари электр, кимё ва физиологияга дойр. Электр асбоблари (электрофор, электрометр, конденсатор, электроскоп ва б.)ни ихтиро қилган. Вольта 1775 й. да ёнувчи газ — метанни топган, Л. Галъвани кашф қилган «жонли электр»га қизиқиб қолиб, бу борада тажрибалар ўтказган. Вольта 1800 й. да биринчи ўзгармас ток манбаи — Вольта устунини кашф қилган, ҳар хил металлар бир-бирига текканда электрлашиб қолишини аниқлаган ва улар орасида пайдо бўладиган кучланиш қиймати бўйича жойлаштириб чиққан. Электр кучланиш бирлиги (вольт) В. номи билан аталган.

Вольта ҳайвонлар билан қиёсий-физиологик тажрибалар ўтказиб. нерв толалари, ичаклар ва ошқозоннинг мушаклар ва скелетга нисбатан электр токини кўпроқ ўтказишини кузатган. У одамнинг кўриш ва таъм билиш органлари электрдан қўзғалишини аниқлаган.

---

Кирилл алифбосида мақола: ВОЛЬТА ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)