ТЎЙТЕПА

ТЎЙТЕПА — Тошкент вилояти Ўрта Чирчиқ туманик&тч шаҳар (1973 й. дан), туман маркази. Тошкентдан 37 км. Яқин т. й. станцияси — Чиғириқ (5 км). Аҳолиси 25,3 минг киши (2004).

Қад. да Т. Мингтепа, Нукат номлари билан маълум бўлган. Шаҳар тўғрисидаги дастлабки маълумотлар унинг ривожланган даври (10—12-а. лар)га тўғри келади. Шаҳарда 8 саноат корхонаси фаолият кўрсатади. Ишлаб чиқариш. бирлашмалари, металл конструкциялари, пахта тозалаш здлари, дон қабул қилиш корхонаси ишлаб турибди. 3 та енгил саноат корхонаси, 2 та ўқувтажриба корхонаси ва б. бор. Қўшма корхоналардан Корея Республикаси билан ҳамкорликдаги «Ҳусайн Мирзо», «Кабул—Тўйтепа ЛТД» ип йигирувтўқув, Ўзбекистон — Туркия «Бурсел» (эркаклар кўйлаклари тикилади) қўшма корхоналар машҳур. Тўйтепада 200 дан ортиқ давлат ва хусусий тижорат корхоналари фаолият кўрсатади. 4 умумий таълим мактаби, катталар ва болалар кутубхоналари, маданият уйи, 3 касалхона, 3 поликлиника бор.

Тўйтепа автомобиль йўллари орқали Тошкент ш. ва б. шаҳарлар билан боғланган. Тўйтепа яқинидан Тошкент — Ангрен т. й. ўтади. Шаҳарнинг жан. ғарбида Туябўғиз сув омбори («Тошкент денгизи») жойлашган.

---

Кирилл алифбосида мақола: ТЎЙТЕПА ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)