ЙЎЛДОШЕВА

ЙЎЛДОШЕВА Муҳаббат (1923.8.3, Тошкент) — Ўзбекистон халқ артисти (1969). 1939 й. дан Республика ёш томошабинлар театрида ишлайди. У яратган образларнинг аксарияти ижобий бўлиб, унинг қаҳрамонлари ҳаётийлиги, самимийлиги, драматик кучи, инсон психологиясини чуқур ҳис қила билиши ва унинг руҳий ҳолатини то-мошабинга тўлиқ етказа олиши билан ажралиб туради. «Қамар» (X. Қосимов) спектаклидаги Қамар унинг саҳнадаги илк ролидир. Энг яхши роллари: Золушка («Золушка»), Герда («Қор маликаси»), Ғужумой («Қовоқвой ва Чаноқвой»), Мўътабар («Мардлар қиссаси»), Галя («Аму қаҳрамонлари»), Жулия («Вероналик икки йигит»), Еремеевна («Норасо»), Дора хола («Том тоғанинг кулбаси»), Она («Шум бола») ва б. У, шунингдек, травести роллар устаси. Телеспектаклларда Бувинисо («Элмурод»), Хосият хола («Эрк»), Она («Қорақалпоқ қизи»), Сора («Ғулғула»), Мулойим хола («Қайнона»), Ҳалима («Хожи афанди уйланармиш») каби образлар яратган. «Меҳнат шуҳрати» ордени (1997), «Жасорат» медали билан мукофотланган (1994).

---

Кирилл алифбосида мақола: ЙЎЛДОШЕВА ҳақида тўлиқ маълумот категорияси: Й ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)