ЁПИШҚОҚ БАКТЕРИОЗ

ЁПИШҚОҚ БАКТЕРИОЗ — ғўзанинг бактериал касаллиги. Кўсақлар етилаётган даврда ҳашаротлар (беда қандаласи ва б.) жароҳатлаган жойида замбуруғ ва бактериялар таъсирида пайдо бўлади. Натижада тола чирийди, бижғийди ва кўсакдан қўнғирсарғиш елим шира — ёпишқоқ модда ажралиб туради (номи шундан). Касаллик авж олганда тола бутунлай ёки қисман қўнғирсариқ, саноатда фойдаланиб бўлмайдиган ёпишқоқ ҳолга келади. Касаллик кучсизроқ бўлганда тола шакли қисман ўзгаради. Ўрта Осиёнинг суғорма деҳқончилик минтақасида Ёпишқоқ бактериоз ҳамма ерда учраб, унинг тарқалишида беда қандаласининг иштироки катта. Кураш чоралари: беда қандаласига қарши хлорофос ёки карбофос, пиретроидлардан амбушнинг 25%ли (0,6 кг/га), шерпанинг 25% ли эмульгирланувчи концентрати (0,3 кг/га) пуркалади.

---

Кирилл алифбосида мақола: ЁПИШҚОҚ БАКТЕРИОЗ ҳақида тўлиқ маълумот категорияси: Ё ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)