ЁҒИН ЎЛЧАГИЧ — атмосфера ёғинлари (ёмғир, қор, дўл) миқдорини ўлчаш учун мўлжалланган асбоб. Энг кенг тарқалган хили (В. Д. Третьяков Ёғин ўлчагичи) ёғин йиғиладиган челаксимон идиш (ёғин тушадиган юза 200 см2, баландлиги 40. см) ва махсус ҳимоя қурилмаси (челак атрофига маҳкамланган пластиналар)дан иборат. Ёғин ўлчагич ердан тахм. 2 м баландликда идиш юзаси қатъий горизонтал турадиган қилиб ўрнатилади. Ёғин миқцори ўлчов стакани ёрдамида ўлчанади. Ўлчов бирлиги — мм. Қаттиқ ёғинлар — қор, дўл эриб сувга айланганидан сўнг ўлчанади.