ЗИЁД ибн СОЛИҲ

ЗИЁД ибн СОЛИҲ ал Хузаъий (? тахм. 754) — Абу Муслимнинг яқин сафдош (нақиб)ларидан бири ва саркардаси. Арабларнинг хузаъа қабиласидан. Абу Муслим уни 10 минг кишилик қўшин билан Бухородаги Шарик ибн алМахрий ҳаракатини бостириш учун юборган (750/751). Шарик билан Зиёд ибн солиҳ С. қўшинлари ўртасидаги уруш 37 кун давом қилган. Шарик жангда ҳалок бўлган. Бухоро амири Абдужаббор ибн Шуайб шаҳарни қаттиқ мудофаа этган. Зиёд ибн солиҳ С. Бухорони ололмай шаҳарга ўт қўйишни буюрган: 3 кун ичида шаҳарнинг катта қисми куйиб кул бўлган. Охири жанг шаҳарнинг жан. қисмидаги Атторон дарвозаси олдида бўлган, жуда кўп аҳоли қирилиб кетган. Қолган мудофаачиларни шаҳар дарвозасига осишган. Зиёд ибн солиҳ С. Самарқанддаги ғалаённи ҳам бостирган. 751 й. Талас жангада Ўрта Осиёда ўз мавқеини кучайтирмоқчи бўлган хитой қўшинини буткул тормор келтирган. 754 й. халифа Мансур буйруғи билан Абу Муслимга қарши чиққан. Зиёд ибн солиҳ С. га қарши бўлган Бухоро ҳокимлари Абу Муслимни қўллабқувватлашган. Зиёд ибн солиҳ С. Самарқанд атрофидаги Баркас қишлоғида яшовчи зодагон деҳқон уйига яширинган, лекин деҳқон уни ўлдириб, бошини баркашга солиб Абу Муслим олдига олиб келган.

Манба: История атТабари, Т., 1987. Абу Сайд Гард изи, Зайн алахбор. Украшение известий, Т., 1991; Бартол ьд В. В., Сочинения, т. II (I), M, 1963; Ўзбекистон халклари тарихи, 1ж., Т., 1992.

Фахриддин Ҳасанов.

---

Кирилл алифбосида мақола: ЗИЁД ибн СОЛИҲ ҳақида тўлиқ маълумот категорияси: З ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)