ЗОКИРКЎЛ

ЗОКИРКЎЛ — Қорақалпоғистон Республикаси Мўйноқ туманидаги қуриб қолган кўл. Амударёнинг қуйи оқимида, Қипчокдарёдан ажралиб чиқадиган Мадалиўзак тармоғининг боглланишидан 3 км жан. ғарбда бўлган. Майд. 50-й. ларнинг бошида 10 км2, ўртача чуқ. 0,5 м бўлган. Шим. дан жан. га чўзилган бўлиб, Қипчоқдарёни Мўйноқ қўлтиғи билан туташтириб турган. 3. дарё, коллекторзовур сувларидан тўйинган. Ўша даврларда кўл қирғоклари ясси, атрофи қалин тўқайзор бўлган. Кўлдан чўртан, қизилқанот, зоғора, лаққа балиқлар овланган, кўплаб боқилган. Амударё сувининг камайиши натижасида кўл ҳам кичрая борган: майд. 1955 й. да 6,6 км2, 1960 й. да 5 км2, 1965 й. да эса қуриб қолган. Ёғин кўп бўлган 1969 й. 3. ботиғи яна сувга тўла бошлаган: 1972 й. майд. 2,73 км2 га етган. 3. 1980 й. ларда бутунлай қуриб қолди.

---

Кирилл алифбосида мақола: ЗОКИРКЎЛ ҳақида тўлиқ маълумот категорияси: З ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)