ЗООХОРИЯ

ЗООХОРИЯ (зоо… ва юн. choreo — тарқатаман) — ўсимликлар меваси, уруғи, спораси ва б. нинг ҳайвонлар ёрдамида тарқалиши. 3. бир неча хилга бўлинади: эпизоохория — мева ва уруғларнинг ҳайвонлар танаси сиртига ёпишиб тарқалиши; эндозоохория — ўсимликлар меваси ва уруғини ҳайвонлар еганида уларнинг экскременти орқали тарқалиши; синзоохория — мева ва уруғларнинг қишда озиқ тўплайдиган ҳайвонлар орқали тарқалиши; мирмекозоохория — мева ва уруғларнинг чумолилар орқали тарқалиши; синзоохориянинг бир хили. Мева ва уруғларнинг тузилишида Зоохориянинг муайян усулига мосланиши пайдо бўлади. Мае, эпизоохорияда мева уруғлар сирти ёпишқоқ модда ёки турли хил илмоқчалар билан қопланган; эндозоохорияда мевалар этли ва серсув бўлади.

---

Кирилл алифбосида мақола: ЗООХОРИЯ ҳақида тўлиқ маълумот категорияси: З ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)