ЗУФАРОВ Комилжон Аҳмаджонович

ЗУФАРОВ Комилжон Аҳмаджонович (1925.1.5 – Тошкент – 2002.30.7) – гистолог олим, Ўзбекистон ФА акад. (1968), Ўзбекистонда хизмат кўрсатган фан арбоби (1968). ТошТИ ни тугатган (1951). 2-жаҳон уруши қатнашчиси, Андижон тиббиёт ин-ти гистология кафедраси мудири ва ф-т декани (1955—57), Ўлка тиббиёт ин-ти ва Ўзбекистон ФА ядро физикаси ин-тида лаб. мудири (1957—65), ТошТИ ректо-ри (1956—71), Ўлка тиббиёт ин-ти директори (1971 — 72). Ўзбек совет энциклопедияси бош муҳаррири (1977 — 86), «Фан ва тур-муш» жур. бош муҳаррири (1988 — 1992). ТошТИ гистология кафедраси (1962 й. дан) ва биофизика лаб. (1966 й. дан) мудири. Асосий илмий ишлари ҳужайралар ичида секреция ва сўрилиш жараёнлари ҳамда уларнинг бошқарилиш механизмини ўрганишга оид. Ўзбекистонда биринчи бўлиб электрон микроскопия лаб. га асос солган. Ингичка ичакдан сўрилган экзоген оқсилларнинг буйракларда парчаланиши тўғрисидаги илмий кашфиёт муаллифи (1987). Бе-руний номидаги Ўзбекистон Давлат мукофоти лауреати (1981).

Ас: Ультраструктурные основы системной организации органов и тканей, Т., 1983; Влияние некоторых химических факторов внешней среды на действие лекарственных веществ, метаболизирующихся в печени, Т., 1979; Гистология, Т., 1991; Гистология (руководство), (ҳамкорликда), Санкт-Петербург, 2001.

---

Кирилл алифбосида мақола: ЗУФАРОВ Комилжон Аҳмаджонович ҳақида тўлиқ маълумот категорияси: З ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)