Feruza Karimova, Yusufxon Nurmatov - Bolangman

Samolarda bulutlar kezar,
Zamin uzra o`gitlar kezar, (x2)
Yuragim jim, barini sezar,
Axir sening bolangman, Vatan. (x2)

Ko`kning quyosh hamda oyi bor,
Ko`z yoshlarim oqar soyi bor.
Ko`ksimning bir yorug` joyi bor,
Oh kim, sening bolangman, Vatan. (x2)

Axir sening bolangman, Vatan,
Jismim ila tanangman, Vatan. (x2)

Tuprog`ingda o`ynadim, kuldim,
Ketolmadim, qadringni bildim,
Ostonanga emaklab keldim,
Chunki sening bolangman, Vatan.

Kiprigimda miltillaydi yosh,
Bu ko`z yoshga jo bo`lgan quyosh.
Shamollarga qardoshman, qardosh,
Chunki sening bolangman, Vatan.

Axir sening bolangman, Vatan,
Jismim ila tanangman, Vatan. (x2)

Men bolangman, mushtipar Ona,
Sanamagin meni begona. (x2)
Sening uchun yonaman yona,
Chunki sening bolangman, Vatan. (x2)

Tuprog`ingga boshim qo`yaman,
Eng qadimiy hisni tuyaman.
Seni deya jonim beraman,
Chunki sening bolangman, Vatan. (x2)

Axir sening bolangman, Vatan,
Jismim ila tanangman, Vatan. (x4)