Lola Ahmedova - Yurtdan ayrilma

(G`urbatda g`arib shodmon bo`lmas emish,
El anga shafiqu mehribon bo`lmas emish.
Oltin qafas ichra gar qizil gul butsa,
Bulbulg`a tikondek oshyon bo`lmas emish.)

Odam borki, ona yurtsiz yasholmas,
Jonzot borki, jonga najot izlagay.
Qanotdan ayrilsa, qushlar ucholmas,
Chamandan ayrilsa, bulbul bo`zlagay. {x2}

Yor hijroni agar dilni tig`lasa,
Yurt firog`i jismu jonni tig`lagay.
Yoridan ayrilgan bir yil yig`lasa,
Yurtidan ayrilgan ming yil yig`lagay. (x2)

Ey odamzod, dunyo kezar bo`lsang ham,
Yurt sog`inchi bir kun diling dog`lagay.
Yurtdan kechma, jondan kechar bo`lsang ham,
Yurtidan ayrilgan ming yil yig`lagay,
Vatandan ayrilgan ming yil yig`lagay.

Yor hijroni agar dilni tig`lasa,
Yurt firog`i jismu jonni tig`lagay.
Yoridan ayrilgan bir yil yig`lasa,
Yurtidan ayrilgan ming yil yig`lagay.

O`z yurtidan judo vatangadolar
O`zga yurtning mozoriga sig`magay.
Asrlar qa’ridan kelgay sadolar:
Yurtidan ayrilgan ming yil yig`lagay,
Vatandan ayrilgan ming yil yig`lagay.

Yor hijroni agar dilni tig`lasa,
Yurt firog`i jismu jonni tig`lagay.
Yoridan ayrilgan bir yil yig`lasa,
Yurtidan ayrilgan ming yil yig`lagay. (x2)