Ozodbek Nazarbekov - Muhabbat

Yuragimdan oromim, halovatim olgan sen,
Mudrab yotgan ko`zlarimga bedorlikni solgan sen.
Osmon qadar g`ururimni majnuntolga o`xshatib,
Bir go`zalga egib qo`yib, yuksaklarda qolgan sen!

Osmon qadar g`ururimni majnuntolga o`xshatib,
Bir go`zalga egib qo`yib, yuksaklarda qolgan sen!
Muhabbat, muhabbat, hali men yetmagan qirlarimsan,
Yuragimda asragan sirlarimsan, muhabbat.

Ey muhabbat, hali sening jamolingga to`ymadim,
Shabnam kabi pok nomingni bir dam tildan qo`ymadim. (x2)
Gulshaningda hijronlarning tikonlari tilsa ham,
Ortga qaytib, seni zinhor bevafoga yo`ymadim.

Gulshaningda hijronlarning tikonlari tilsa ham,
Ortga qaytib, seni zinhor bevafoga yo`ymadim.
Muhabbat, muhabbat, hali men yetmagan qirlarimsan,
Yuragimda asragan sirlarimsan, muhabbat.

Sen men uchun umrimdagi eng ardoqli tuyg`usan,
Hijroningni qayg`u desam, eng maroqli qayg`usan.
Ko`plar o`tdi, o`tmoqdalar, bir kun biz ham o`tarmiz,
Oshiqlarga aziz bo`lib, yana o`zing mangusan.

Muhabbat, muhabbat, hali men yetmagan qirlarimsan,
Yuragimda asragan sirlarimsan, muhabbat. (x3)