Hayrulla Lutfullayev - O`tma nomard ko`prigidan

O`tma nomard ko`prigidan,
Soylar to`lib oqqanda ham. (x2)
Joy bermagin uy to`ringdan,
Nomard eshik qoqqanda ham. (x2)

Oriyating saqla mudom,
Molu davlat ketganda ham. (x2)
Olmagin nomard degan nom,
Tandan joning chiqqanda ham. (x2)

Maslahatni marddan so`ra,
Ishlaring gar bitganda ham. (x2)
Ojizlarga hamroh bo`lma,
Ummonlarda cho`kkanda ham. (x2)

Nodo`stlar senga achinmas,
Ingrama dard bukkanda ham.
Uzmagin yerdan oyog`ing,
Boshing ko`kka yetganda ham.

Ochma siring o`zgalarga,
Diling siyoh bo`lganda ham.
Inonma maqtov so`zlarga,
Garchi senga yoqqanda ham.

Inonma maqtov so`zlarga,
Garchi senga yoqqanda ham.

O`tma nomard ko`prigidan,
Soylar to`lib oqqanda ham. {x2}