BOJXONA KODEKSI

BOJXONA KODEKSI — davlat bojxona organlari ishining huquqiy, iqtisodiy va tashkiliy asoslarini belgilab beruvchi, ularning faoliyatini amalga oshirishni tartibga soluvchi, yagona tizimga solingan qonun hujjati. Bojxona kodeksi qonun chiqaruvchi organlar tomonidan xalqaro bojxona qoidalariga asoslanib, davlat manfaatlari taʼminlanishini kafolatlaydigan tarzda ishlab chiqiladi. Bojxona kodeksida bojxona organlarining vazifalari, huquq va burchlari hamda bojxona ishlari tashkil etilishining meʼyorlari oʻz aksini topadi, kontrabanda va bojxona qoidalarini buzilishiga qarshi kurash olib borish tartiblari ifodalab beriladi. Bojxona deklaratsiyami» qayd etilgan tovar va buyumlarga solinadigan bojxona bojlari, tovar (mulk)larning bojxona nazoratida saqlanishi va turli bojxona yigʻimlarini undirishda Bojxona kodeksi asos boʻlib xizmat qiladi. Oʻzbekiston Respublikasining Bojxona kodeksi Oliy Majlis tomonidan 1997-y. 26 dek. da qabul qilinib, 1998-y. 1-martdan amalga kiritildi. Bu B. k. 198 modsani oʻz ichiga olgan boʻlib, 19 bob, 11 boʻlimdan iborat. Unda umumiy qoidalar (bojxona ishi, hududi, qonun hujjatlarining amal qilish tartibi, asosiy tushunchalar va b.) (1 boʻlim), tovarlar va transport vositalarini OʻzR bojxona hududidan olib oʻtish tartibi(N), bojxona nazorati, rasmiylashtirilishi va toʻlovlari (111), dastlabki operatsiyalar (VI), boj imtiyozlari (VII), nazorat ostida tovar yetkazib berish tartibi (VIII), bojxona haqidagi qonun hujjatlarini buzganlik uchun javobgarlik (IX), bunday ishlarni yuritish (X) va jazo berish toʻgʻrisidagi qarorlarni ijro etish (XI) kabi masalalar oʻz ifodasini topgan.

Muzaffar Ortiqov.

---

Lotin alifbosida maqola: BOJXONA KODEKSI haqida to'liq ma'lumot kategoriyasi: B harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)