ASBEST-SEMENT KONSTRUKSIYALAR

ASBEST-SEMENT KONSTRUKSIYALAR — karkasi (sinchi) yogʻoch, asbest-sement yoki metall elementlardan iborat boʻlgan asbest-sement listlari va issiqlik izolyatsiyasi materiallaridan tayyorlanadigan konstruksiyalar. Ichi havol konstruksiyalarda asbest-sement listlar oʻzaro shuruplar, parchin mix yoki yelim bilan biriktiriladi. Monolit (yaxlit) konstruksiyalar — isitkich qatlami (penoplast) bilan biriktirilgan ikki yassi listdan tayyorlanadigan plita va panellar. Qalinligi 60 — 80 mm boʻlib, 3 metrli joylarni yopishda ishlatiladi. Karkasiga yelim yoki shuruplar bilan biriktiriladigan yassi asbest-sement plita va panellardan iborat konstruksiyalar keng tarqalgan. Karkas uchun asbest-sement yoki metall profillar, yogʻoch gʻoʻlalar ishlatiladi.

---

Lotin alifbosida maqola: ASBEST-SEMENT KONSTRUKSIYALAR haqida to'liq ma'lumot kategoriyasi: A harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)