CHIMYON ADIRI

CHIMYON ADIRI — Fargʻona viloyati hududidagi adir. Fargʻona botigʻining jan. da joylashgan. Shim. dan Yormozor, jan. dan VodilChimyon adir orasi botiklari bilan tutashgan. Gʻarbdan sharqqa 25 km ga choʻzilgan. Eng baland joyi 856 m. Shim. yon bagʻri qiyaroq. Chimyon adiri yon bagʻirlari koʻplab quruq soy oʻzanlari va jarliklar bilan zich oʻyilgan. Tektonik jihatdan braxiantikli nal struktura. Paleogen, neogen va quyi toʻrtlamchi davr qumtoshlari, gillari, konglomeratlari, qum, shagal toshlar va lyosslardan tashkil topgan. Chimyon adiri toʻrtlamchi davrda yangi tektonik harakatlar taʼsirida koʻtarilgan. Iqlimi kontinental, yiliga 250— 300 mm yogʻin tushadi. Boʻz tuproqlar tarqalgan. Ularda rang, qoʻngʻirbosh, shaytonkovush va b. oʻsimliklar oʻsadi. Yovvoyi hayvonlardan kalamush, qoʻshoyoq, boʻrsiq, jayra, kaltakesak, ilon va b. uchraydi. Adir hududi yaylov sifatida foydalaniladi.

---

Lotin alifbosida maqola: CHIMYON ADIRI haqida to'liq ma'lumot kategoriyasi: Ch harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)