DEMETRIY I — Yunon-Baqtriya podsholigi shohi (mil. av. taxm. 189-y. — taxm. 167-y.). Uning davrida salta-nat nihoyatda kuchaygan. Demetriy I hoz. Afgʻoniston va Shim.-Gʻarbiy Hindistondagi bir qancha viloyatlarni bosib olgan. Shim.Gʻarbiy Hindistonda poytaxt shahar qurdirgan, zarb ettirgan tangalarida oʻzini «hindlar podshosi» deb atagan. Mil. av. taxm. 175-y. Baqtriyada Demetriy Iga qarshi Yevkratid isyon koʻtargan. Demetriy I u b-n kurashda halok boʻlgan, podsholigi esa parchalanib ketgan. Saltanatning Hindistondagi qismiga Demetriy Ining sarkardasi Menandr podshoh boʻlgan.