DEHQONBOYEV Abdusalim (1906.26.10, Ashirqozi qishlogʻi, Fargʻona viloyati — 1943.8.10, Derajichi) — 2-jahon urushi qahramoni. Jamoa xoʻjaligi raisi boʻlib ishlagan. 1943-y. dan frontda, 467-oʻqchi polki (Markaziy front 61-armiyaning 81-oʻqchi diviziyasi) oʻqchisi. Dehqonboyev Gomel viloyatining Loyev tumanidagi Glushes qishlogʻida boʻlgan janglarda jasorat koʻrsatgan. 1943-y. 8 okt. da boʻlgan jangda halok boʻlgan. Vafotidan keyin 1944-y. 15 yanv. da Qahramon unvoniga sazovor boʻlgan. Tugʻilgan qishlogʻida yodgorlik oʻrnatilgan; Fargʻona viloyatidagi maktablardan biri uning nomi bilan yuritiladi.