DIPLOMATIYA DARAJA VA MARTABALARI

DIPLOMATIYA DARAJA VA MARTABALARI — davlat vakolatxonalarining diplomatiya xodimlari uchun beriladigan rasmiy unvonlar. «Oʻzbekiston Respublikasining diplomatiya xodimlari uchun diplomatiya daraja va martabalari belgilash toʻgʻrisida»gi qonunda (1992-y. 3 iyul), «Diplomatiya munosabatlari toʻgʻrisida»gi 1961-y. gi Vena konvensiyasi xamda xalqaro huquq normalari va qoidalariga muvofiq, Oʻzbekiston Respublikasi diplomatiya vakolatxonalari boshliklarining quyidagi 3 darajasi belgilangan: chet davlat boshligʻi huzurida akkreditatsiya qilinadigan (q. Akkreditlash) Favqulodda va muxtor elchi; chet davlat boshligʻi huzurida akkreditatsiya qilinadigan Favqulodda va muxtor vakil; chet davlat Tashki ishlar vaziri huzurida akkreditatsiya qilinadigan Ishonchli vakil. Oʻzbekistonning chet davlatlardagi vakolatxonalari diplomatiya xodimlariga beriladigan xizmat unvonlari quyidagilar: Favqulodda va muxtor elchi; 1 – va 2-darajali Favqulodda va muxtor vakil; 1 – va 2-darajali maslahatchi; 1 – va 2-darajali 1-ko-tib; 1 – va 2-darajali 2-kotib; Uchinchi kotib; Attashe. Favqulodda va muxtor elchi, 1 – va 2-darajali favqulodda va muxtor vakil martabalari Oʻzbekiston Respublikasi Prezidenti Farmonlari b-n, boshqa diplomatiya martabalari Oʻzbekistan Respublikasi Tashki ishlar vaziri buyrugʻi b-n beriladi. Diplomatiya martabalari mazkur vazirlikning rahbar va masʼul xodimlariga ham berilishi mumkin. Favqulodda va muxtor elchi, Favqulodda va muxtor vakil martabalari bir umrga beriladi. Boshqa diplomatiya martabasiga ega boʻlgan shaxslar Oʻzbekiston Respublikasi Tashqi ishlar vazirligi tizimidan pensiyaga chiqqan taqdirda ularning bu martabasi saqlanib qoladi.

---

Lotin alifbosida maqola: DIPLOMATIYA DARAJA VA MARTABALARI haqida to'liq ma'lumot kategoriyasi: D harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)