DOJLAR SAROYI

DOJLAR SAROYI — Italiya gotika meʼmorligining ulkan obidasi (9—15-a. lar). San-Marko sobori va kutubxo-nasi hamda boshqa binolar bilan uygʻunlashgan holda shahar meʼmoriy ansam-blini tashkil etgan. Venetsiya davlati hukumat boshliqlari (dojlar)ning qarorgohi boʻlgan hashamatli saroy (18-a. oxiridan muzey) gotika (14—15-a. lar) va renessans (15—16-a. lar) uslubida qayta qurilgan. «Katta maslahat» zali (54×25 m, bal. 15,4 m)da P. Veroneze, Tintoretto, J. B. Tyepolo va b. mashhur rassomlarning asarlari, namoyonlarga ishlangan rasmlari saqlangan. Dojlar saroyi meʼmorligida Italiya va arab-musulmonlarning anʼanalari (bosh tarzining yuqori qismi yaxlit oynali, peshayvoni serustunli, qator ravoqli va b.) uygʻunlashib ketgan.

---

Lotin alifbosida maqola: DOJLAR SAROYI haqida to'liq ma'lumot kategoriyasi: D harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)