KABOB

KABOB — goʻsht, jigar, buyrak, dumba, charvi va b. masalliklardan choʻgʻda pishirib tayyorlanadigan taom. Six Kabob, titrama Kabob, qozon K., parranda Kabob, qiyma Kabob, tandir K., pomidor K., dumbul Kabob, charvi Kabob, loʻla Kabob va b. turlari bor. Six Kabob — qoʻy goʻshtining lahm hamda dumba qismlaridan olib, har biri 10 — 12 g keladigan loʻnda-loʻnda boʻlaklarga boʻlinadi, unga mayda toʻgʻralgan piyoz, tuz, qalampir (murch), kashnich urugʻi, zira, uzum sirkasi (anor yoki limon suvi) aralashtiriladi. Masalliq sirlangan yoki chinni idishga solinib, bir necha soat (4 soatdan 24 soatgacha) salqin joyda saqlanadi. Soʻngra goʻsht sixga 5—6 boʻlakdan qilib oʻtkaziladi (sixning uchida yogʻ boʻlishi kerak). Sixlar koʻrada toshkoʻmir yoki pista koʻmir choʻgʻida pishiriladi. Kabobning bir tomoni qizarib pishgandan soʻng ikkinchi tomonini agʻdarish kerak. 1 kg goʻshtga 2—3 bosh piyoz, 1 choy qoshiqsa tuz, 4 osh qoshiqda uzum sirkasi (yoki bir dona limon); ziravor taʼbga koʻra kerak boʻladi. Qiyma Kabob — goʻsht qiymalagichdan 2-marta, piyoz bir marta oʻtkazilgach, qiyma tayyorlanadi. Qiymaga tuxum chaqilib qalampir, tuz aralashtiriladi. Soʻng qiymadan 50—60 g keladigan kiftalar yasaladi va uzunasiga sixga oʻtkaziladi. Kifta ustiga un sepib yuqorida aytilgandek choʻgʻda pishiriladi. 1 kg goʻshtga 3 bosh piyoz, 1 dona tuxum, 3—4 qoshiq un; ziravorlar kerak boʻladi. Dumbul Kabob — makkajoʻxorining dumbul soʻtasidan tayyorlanadi. Tozalangan soʻta 3—4 sm dan qilib kesiladi va namakobga 2—3 soat solib qoʻyiladi. Soʻng 2—3 donadan qilib sixga oʻtkaziladi va laxcha choʻgʻda pishiriladi.

Kabob Oʻrta Osiyo va Yaqin Sharq, Kavkaz xalqlarining sevimli taomi hisoblanadi. Kabobni aslida chorvador xalklar ijod etgan.

Ad.: Maxmudov K., Uzbek taomlari, T., 19

---

Lotin alifbosida maqola: KABOB haqida to'liq ma'lumot kategoriyasi: K harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)