KOVALEVSKIY Aleksandr Onufriyevich (1840.7(19) .11, Latviyaning Dinaburg uyezdi Shustyanka qishlogʻi — 1901.9(22).11, Peterburg) — rus evolyutsionisti-zoologi, qiyosiy embriologiya va fiziologiya, eksperimental va evolyutsion gistologiya asoschilaridan biri, Peterburg FA akad. (1890-y. dan), V. O. Kovalevskiyning akasi. Peterburg un-tini tugatgan (1863). Kiyev (1869—74), Novorossiysk (1874—90), Peterburg (1891—94) un-tlari prof., Sevastopol biologiya st-yasi direktori (1892—1901). Kovalevskiy umurtqasiz xayvonlar (boʻshliqichlilar, chuvalchanglar, mollyuskalar, boʻgʻimoyoqlilar, ignaterililar) va xordalilar (lansetnik, assidiya va b.)ning embrioni rivojlanishini oʻrgangan. Umurtqasiz qayvonlarda murtak varaqlari toʻgʻrisidagi taʼlimotni ishlab chiqqan, umurtqali va umurtqasiz hayvonlar rivojlanishi qonuniyatlarining umumiyligini koʻrsatib, ularning evolyutsion qarindoshligini isbotlab bergan.
As: Izbrannыye rabotы, M., 1951.