MULK

MULK — moddiy va maʼnaviy neʼmatlarning muayyan kishilar egaligida boʻlishi va ular tomonidan oʻzlashtirilishi; M. ga egalik huquqi hamda mulk obyektlariga egalik, ularni boʻlish, taqsimlash boʻyicha kishilar oʻrtasida yuzaga keladigan iqtisodiy munosabatlar. Mulk obyekti yer va yer osti boyliklari, korxona, bino, inshootlar, mashina va uskunalar, tayyor mahsulot, pul, qimmatli qogʻozlar, sanʼ-at va adabiyot asarlari, ilmiy va texnikaviy ishlanmalar va b. boʻlishi mumkin. Moddiy va maʼnaviy neʼmatlarni amalda oʻzlashtiruvchilar mulk subyektlari, yaʼni egalari hisoblanadi. Bularga ayrim kishilar, oilalar, jamo-alar va, nihoyat, davlat kiradi. Mulkdan amalda foydalanib, bundan naf koʻrish mulkni iqtisodiy tasarruf qilish hisoblanadi.

Kishilarning moddiy neʼmatlarni yaratishdagi, ularni taqsimlash va isteʼmol etishdagi oʻrni, siyosiy hayotda tutgan mav-qei, asosan, i. ch. vositalariga egalik qilishlariga bogʻliq. Jamiyat taraqqiyoti tarixida egalik qilish shakliga koʻra M. ning bir necha turi bor: ibtidoiy jamoa tuzumida ishlab chiqaruvchi kuchlar gʻoyat past rivojlanganidan kishilar birgalikda, guruh-guruh boʻlib mehnat qilishgan. Shubhasiz, shunday sharoitda mehnat qurollari va mahsulotlari jamoaning umumiy Mulki boʻlgan. Mehnat qurollari va mehnat malakasi yuksalgach, kishilar yakka holda mehnat qila oladigan boʻldi. Bu oʻzgarish tufayli jamoa Mulki parchalanib, xususiy Mulkka aylangan. Xususiy Mulk — bu mulkni oʻzlashtirishning xususiy usuliga asoslangan shakli. U 2 xil boʻladi:

1) individual — yakka xususiy M, yaʼni ayrim shaxslar yoki oilalarga tegishli Mulk ;

2) korporativ xususiy Mulk, bu ham ayrim kishilarga qarashli, lekin aksiyadorlar jamiyatidagi umumiy Mulkning bir kismi si-fatida mavjud boʻlgan Mulk. Korporativ Mulk dividend keltiruvchi Mulk dir. Jamoa Mulki — bu jamoaga ixtiyoriy ravishda birlashgan kishilarning umumiy Mulki boʻlib, bu Mulkning egalari shu jamoada mexnat qilishi shart. Bu yerda Mulk egasi ayni bir vaqtda shu Mulkni amalda ishlatuvchi ham hisoblanadi. Davlat mulki — davlat ixtiyorida boʻlgan Mulk, davlat hokimiyati organlari tomonidan tasarruf etiladigan monopollashgan Mulk dir. Bunday Mulk obyekti — yer, tabiat resurslari, asosiy vositalar, binolar, moliya, moddiy resurslar, axborot, moddiy va maʼnaviy boyliklar boʻlishi mumkin. Bu M. ijtimoiy neʼmatlarni yaratishga xizmat qiladi.

Davlat bor yerda uning Mulki mavjud, lekin ushbu Mulkning milliy iqtisodiyotdagi ulushi turli mamlakatlarda farklanadi va mamlakat iqtisodiyotining modeliga bogʻliq (q. Davlat mulki). Fuqarolik jamiyati doirasida davlat Mulki tobora ijtimoiy yoʻnalish olmoqda, yaʼni umummilliy manfaatlarni himoya qilishga yoʻnaltirilgan. Ijtimoiy Mulk — tarixan sobiq so-sialistik mamlakatlarda mavjud boʻlgan. Bunda kishilar Mulk egasi sifatida teng boʻladi, shuning uchun har bir kishining jamiyatdagi mavqei, turmush darajasi uning mehnati bilan belgilangan.

Mulkga egalik va uni tasarruf etish muayyan iqtisodiy munosabatlarni paydo etadi vau mulkchilik munosabatlari deb ataladi. Mulk paydo boʻlishi uchun mulkka aylanadigan narsalar naf keltira olishi zarur. Mulk chilik munosabatlari Mulkni kishilarning oʻziniki yoki oʻzganiki ekanligini bildiradi. Bunday munosabatlarning 3 jihati bor:

1) Mulkka egalik qilish, yaʼni mulkdorlik huquqining Mulk egasida saqlanib turishi;

2) Mulkdan foydalanish va uni amalda ishlatish. Mulkdan foydalanilganda shaxsiy ehtiyojlarni qondirish yoki daromad topish yuz beradi. Mulkdor oʻz Mulk ini ishlatganda egalik qilish va Mulkdan foydalanish bir qoʻlda toʻplanadi, Mulk keltirgan nafni uning egasi tanho oʻzlashtiradi. Mulk oʻzgalar qoʻlida ishlatilganda bundan olingan daromadni mulkdor Mulkni amalda ishlatuvchi bilan baham koʻradi;

3) Mulkni tasarruf etish — bu Mulk taqdirini mustaqil hal qilish, yaʼni M. ni sotish, merosga qoldirish, hadya etish, garovga qoʻyish kabi xatti-harakatlarni erkin amalga oshirilishidir. Mulkiy munosabatlarda M. ni ijaraga berish muhim oʻrin tutadi. Yer, suv havzalari, bino va inshoot kabi koʻchmas M. lar oddiy ijaraga beriladi. Qimmatbaho mashina va uskunalar (traktor, kombayn, samolyot, teplovoz, paroxod, yuk avtomashinalari va vagonlar) ijarasi lizing shaklida amalga oshiriladi. Mulk boʻlgan pul mablagʻlarni oʻz egasi tomonidan, oʻzgalarga foydalanib turish uchun berish kredit shakliga kiradi. Mulk milliy boylikni hosil etadi.

Ad:. Shodmonov Sh., Alimov R., Joʻrayev T., Iqtisodiyot nazariyasi,T., 2002.

Ahmadjon Oʻlmasov.


Lotin alifbosida maqola: MULK haqida to'liq ma'lumot kategoriyasi: M harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)



YER
FOND BOZORI
ROSSIYA
XITOY
FRANSIYA


Добавить комментарий

Категории
Популярные тексты