OLATOV QORAMOL ZOTI

OLATOV QORAMOL ZOTI — sut goʻsht yoʻnalishidagi qoramol zoti. 20-a. ning 30—50-y. larda Qirgʻiziston va Qozogʻistonda mahalliy zotli qoramollarni shvis va Kostroma zotlari b-n chatishtirish va olingan duragaylar mahsuldor guruhlarini oʻz ichida urchitish orqali yaratilgan. 1950-y. da yangi zot sifatida tasdiklangan. Tana tuzilishi baquvvat, boshi katta, koʻkragi, yagʻrini keng, yelini kosasimon, tuyey qoʻngʻir. Buqalarining vazni 850—1000 kg, sigirlariniki 450—550 kg. Sigirlari yiliga 3200—4200 kg (ayrimlari 8—10 ming kg gacha) sut beradi. Sutining yogʻliligi 3,8—4,0%. Goʻshtdorlik sifati yaxshi. Axta novvoslari jadal yetishtirilib, boʻrdoqi qilib boqilganda 18—20 oyligida vazni 500—550 kg ga boradi. Goʻsht chiqimi 55—62%. Togʻ sharoitiga yaxshi moslashgan.

---

Lotin alifbosida maqola: OLATOV QORAMOL ZOTI haqida to'liq ma'lumot kategoriyasi: O harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)