OʻZBEKISTON FTIZIATRIYA VA PULMONOLOGIYA INSTITUTI

OʻZBEKISTON FTIZIATRIYA VA PULMONOLOGIYA INSTITUTI, Oʻzbekiston Sogʻliqni saqlash vazirligi Ftiziatriya va pulmonologiya ilmiy tadqiqot instituti — ftiziatriya va pulmonologiya sohasida respublikada ilmiy, uslubiy muvofiqlashtiruvchi va konsultativ markaz. 1932 yil Samarqandda Sil ilmiy tekshirish instituti nomi bilan tashkil etilgan. 1936-yil Toshkentga koʻchirilgan. 1977-yil intga Sh. A. Llimov nomi berilgan. 1989-yildan hoz. nomda.

In-t sil epidemiologiyasi va oddini olishni hamda nafas aʼzolarining sil bilan bogʻliq boʻlmagan kasalliklarini tadqiq etadi; aholiga ftiziatriya va pulmonologiya yordami koʻrsatishning tashkiliy shakllarini takomillashtiradi; sil hamda bronxlar va oʻpkaning oʻziga xos xastaliklari diagnostikasi, differensial diagnoz va silni xirurgik yoʻl bilan davolash usullarini ishlab chiqadi. Respublika tibbiyot intlaridagi sil va pulmonologiya kafedralari faoliyatini hamda silga qarshi dispanserlar ishini nazorat etadi va ularga metodik jihatdan rahbarlik qiladi. In-tda birinchi marta bemorlar salomatligini mehnatga va kasbga yaroqli qilib tiklashning ilmiy asoslari ishlab chiqildi.

In-tda 4 ilmiy boʻlim (sil terapiyasi va epidemiologiyasi, sil xirurgiyasi, pulmonologiya, diagnostik lab.), 4 lab. va 500 oʻrinli klinika bor, unda oʻpka va oʻpkadan tashqari aʼzolar (plevra, suyak hamda boʻgʻimlar, siydiktanosil aʼzolari, shuningdek, limfa tugunlari va miya qobiqlari) sili hamda oʻpkaning oʻziga xos kasalliklari (bronxial astma, oʻpkaning surunkali obstruktiv kasalligi, pnevmoniya, fibrozlovchi alveolit va boshqalar) bilan ogʻrigan bemorlar davolanadilar; klinika 11 ta boʻlimdan iborat. in-t dorilarni, xususan, Yevropaning yetakchi farmatsevtik firmalarida ishlab chiqarilgan preparatlarni klinik tadqiqotdan oʻtkazish markazi ham hisoblanadi. Shuningdek, ilmiy tibbiy axborot, tashkiliymetodik boʻlimlari, kutubxona, vivariy, muzey va boshqalar bor (2005). In-tda Toshkent tibbiyot akademiyasi va Toshkent vrachlar malakasini oshirish intining ftiziatriya kafedr&tari hamda Respublika Sogʻliqni saqlash vazirligining OOT5 — shgesIu ozeguyes! (geagtep! tg $op soigeye (bevosita kuzatuv ostidagi qisqa kursli kimyoterapiya) markazi faoliyat koʻrsatadi. in-t va klinikada 410 xodim, jumladan, 9 fan dri, 27 fan nomzodi, 1 akad., 1 Oʻzbekistonda xizmat koʻrsatgan fan arbobi va boshqalar xizmat qiladi. in-t faoliyati Sh. A. Alimov, A. A. Kalonxoʻjayev, R. A. Aʼzamov, T. M. Qoriyev, A. M. Ubaydullayev kabi olimlar nomlari bilan bogʻliq. In-tda ftiziatriya va pulmonologiya boʻyicha aspirantura, doktorantura va klinik ordinatura mavjud. in-t ilmiy toʻplam, monografiya va metodik qoʻllanmalar nashr etadi.

Abdulla Ubaydullayev.

---

Lotin alifbosida maqola: OʻZBEKISTON FTIZIATRIYA VA PULMONOLOGIYA INSTITUTI haqida to'liq ma'lumot kategoriyasi: O' harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)