SANTUR, santuri — koʻp torli urma musiqa cholgʻu asbobi, chang turi. Kavkaz mintaqasi, Eron, Shim. Hindiston, Turkiya va b. mamlakatlarda professional musiqa sozi sifatida keng tarqalgan. Quti shaklida, 2 ta choʻp bilan urib chalinadi. Xromatik tovushqatorga ega. Tovushi mayin va yoqimli. S, yozma manbalarga koʻra, Oʻrta Osiyoda (jumladan, Buxoro amirligida) 16-a. dan maʼlum boʻlgan.