SOLIQ AKADEMIYASI

SOLIQ AKADEMIYASI, Oʻzbekiston Respublikasi Davlat soli k, qoʻmitasining Soliq akademiyasi — soliq tizimiga yuqori malakali mutaxassislar tayyorlaydigan oliy oʻquv yurti. Toshkent sh. da joylashgan. 2001-y. 10 yanv. da Soliq va bojxona organlari akademiyasi sifatida tashkil etilgan. 2003-y. 23-mayda Oliy harbiy bojxona instituti tashkil etilishi munosabati b-n qayta nomlanib, Oʻzbekiston davlat soliq qoʻmitasi tasarrufiga kiritilgan. Soliq akademiyasida solikdar va soliqqa tortish mutaxassisligi boʻyicha bakalavrlar tayyorlanadi, soliq tizimi xodimlarining malakasi oshiriladi. 10 kafedra bor. 2003/2004 oʻquv yilida 58 ta prof. oʻqituvchi, shu jumladan, 10 fan d-ri va 24 fan nomzodi ishladi. 200 talaba, bir yillik qayta tayyorlash kursida 25 talaba oʻqidi, 3 mingga yaqin soliq tizimi xodimlari malakasi oshirildi. Soliq ishi sohasida i. t. ishlarini tashkil etish, xorijiy mamlakatlarning shu kabi oʻquv boʻlinmalari bilan amaliy, uslubiy aloqalar oʻrnatish, ilmiy adabiyotlar tayyorlash va nashr etish ishlarini bajaradi. Drlik va nomzodlik dissertatsiyalarini himoya qilish boʻyicha ixtisoslashgan ilmiy kengash mavjud. Aspiranturasi bor. Oʻquv qoʻllanmalari, dasturlar, ilmiy va metodik qoʻllanmalar nashr etadi.

---

Lotin alifbosida maqola: SOLIQ AKADEMIYASI haqida to'liq ma'lumot kategoriyasi: S harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)