SHKVALOV

SHKVALOV (asl familiyasi — Samgin) Ivan Pavlovich (1899.1.1, Nijegorodsk gubernyasi — 1981, Toshkent) — aktyor, rej. Oʻzbekiston (1946) va Tojikiston (1951) xalq artisti. Sahnaviy faoliyatini 1918 yil Nijegorodsk teatr studiyasida boshlagan. Keyinchalik Gorkiy, Saransk, Penza, Ivanov, Sverdlovsk, Chelyabinsk, Tobolsk va boshqalar teatrlarda ishlagan. 1933—46 yillar Samarqand rus drama teatri, 1946 — 58 yillar Turkiston harbiy okrugi drama teatrida aktyor, rej. 1958-yildan Toshkentdagi xalq radioteatrida bosh rej. Shkvalov oʻtkir sahnaviy shakllar va chuqur psixologik talqin ustasi sifatida tanildi. Asosiy rollari: Gay (N. Pogodin, «Mening doʻstim»), Vasilkov, Telyatev, Paratov (A. Ostrovskiy, «Quturgan pullar», «Sepsiz qiz»), Arbenin (M. Lermontov, «Maskarad»), Sergey Lukonin (K. Simonov, «Bizning shahar yigiti»), Ivan Ribakov (V. Gusev, «Ivan Ribakov»), Goryachev (B. Smirnov, «Buga ustidagi qalʼa») va boshqalar Shkvalov «Quturgan pullar» (A. Ostrovskiy), «Makr va muhabbat» (F. Shiller), «Begona bola» (Shkvarkin), «Platon Krechet» (A. Korneychuk), «Maysaraning ishi», «Boy ila xizmatchi» (Hamza) kabi spektakllarni sahnalashtirgan.

---

Lotin alifbosida maqola: SHKVALOV haqida to'liq ma'lumot kategoriyasi: SH harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)