STIRLING DVIGATELI

STIRLING DVIGATELI, tashqi yonuv dvigateli — tashqaridan keltiriladigan issiklik energiyasini foydali mexanik ishga aylantiradigan dvigatel. Ingliz ixtirochisi R. Stirling 1816-y. yaratgan. U qizdirilgan havo bilan ishlaydi. Stirling dvigatelida ish jismi sifatida gaz (geliy yoki vodorod) dan foydalaniladi. Gazning bosimi 10 — 20 MPa. Gaz berk fazoda boʻlib, dvigatel ishlashi paytida almashinmaydi, balki qizishi va sovishi natijasida faqat hajmi oʻzgaradi. Regenerator bu fazoni yuqori va pastki boʻshliqqa boʻladi. Yuqori boʻshliqqa qizdirgichdan issiqlik keladi, pastkisidan sovituvchi suv bilan chiqarib yuboriladi. Stirling dvigateli silindrida 2 ta porshen (biri ish, ikkinchisi haydash) boʻladi. Dvigatelda ish sikli 4 taktda (siqish, qizdirish, ish yoʻli va sovitish) bajariladi. Stirling dvigateli yuk avtomobillari va kemalarida ishlatiladi.

---

Lotin alifbosida maqola: STIRLING DVIGATELI haqida to'liq ma'lumot kategoriyasi: S harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)