TAQDIR (arab. — oldindan belgilangan hayot yoʻli) , qismat — inson hayoti va faoliyatini hamda olamdagi barcha hodisalarni Alloh irodasiga bogʻliq deb hisoblovchi diniy tasavvur. T. ga ishonish barcha dinlarda bor. Lekin ularning har birida oʻziga xos xususiyatlar bilan talqin etiladi. Islomda rasman eʼtirof etilgan aqidalardan biri. Xristianlikda va islomda Taqdir xudoning azaliy ilmi va qudrati tarzida izoxlanadi.