TBILISI UNIVERSITETI, E Javaxishvili nomidagi Tbilisi universiteti — Gruziyadagi yirik oliy oʻquv yurtlaridan biri. 1918-y. tarixchi olim, akad. I. A. Javaxishvili boshchiligidagi gruzin olimlari tashabbusi bilan tashkil etilgan. 1930y. larda Tbilisi universiteti negizida qishloq xoʻjaligi., politexnika, ped., tibbiyot intlari, shuningdek bir qancha i. t. muassasalari tashkil topgan. 1990-y. mustaqil ilmiyoʻquv muassasasi sifatida qayta tashkil etilgan. Fizika, mat., kimyo, biol., psixologiya, geol., falsafa, geogr., tarix, filol., iqtisodiyot, huquq va b. ixtisosliklar boʻyicha mutaxassislar tayyorlaydi. Kutubxonasida 3 mln. ga yaqin asar bor. 12 mingdan ortiq talaba taʼlim oladi.