URBANIZM (lot. urbs — shahar) — 1) sanʼat vaadabiyotda — yirik shaharlarning va shahar hayotining tasviri, tavsifi;
2) meʼmorlikda — 20-a. shaharsozligida yuzaga kelgan oqim, yunalish. Bu oqim tarafdorlari shaharlarni yiriklashtirishga chaqirdilar: bu esa shaharlarda koʻp qavatli baland va katta imoratlarning tigʻiz, jadal qurilishiga, aholining normal yashash sharoitidan mahrum qilishga olib keldi. Urbanizm nazariyasi qaror topishida va, ayniqsa, 20-a. ning 20-y. lariga kelib tez surʼatda rivojlanishiga Le Korbyuzye faoliyati taʼsiri kuchli boʻldi. Urbanizm tushunchasi koʻpincha shahar qurilishi sinonimi maʼnosida ham qoʻllaniladi.