TEXNOGEN SANʼAT

TEXNOGEN SANʼAT — 19-a. oxiri — 20-a. sanʼatida ilmfan va texnika (fotografiya, elektr, elektronika, mikrotexnologiya va b.) rivoji natijasida qaror topgan yangi yoʻnalish. Texnogen sanʼat badiiy ijodning boshqa shakllarida qoʻllaniladigan vositalar (rang, kompozitsiya, dramaturgiya va b.) bilan birga yangi (rakurs, montaj, ovoz yozish, yangi ovoz va ranglarni yaratish kabi) texnik imkoniyatlardan unumli foydalanish hisobiga muayyan ifodaviy natijalarga erishib, ularni ommaviy aloqa vositalari (media shakllari — bosma nashr, radio, grammyozuv, televideniye va b.) yordamida koʻpaytiradi va tarkatadi. Texnogen sanʼat tizimida sintetik (qorishma) badiiy shakllar (foto sanʼati, kino, televideniye, elektron musiqa, lazer musiqasi, kompyuter grafikasi, WEBdizayn va b.) yuzaga keldi. Mazkur jarayonda yangi ijod shakllari va ixtisosliklar (kinooperatorlik, ovoz rejissurasi va b.), maxsus jihozlangan studiyalar (fotostudiya, kinostudiya, musiqiy studiya, ovoz yozish studiyasi, vebdizayn studiyasi va b.), fanning yangi yoʻnalishlari (psixoakustika, kompyuter musiqasi texnologiyasi kabi) rivoj topdi. Oʻzbekistonda Texnogen sanʼat rivojiga katta ahamiyat berilib, Texnogen sanʼat yoʻnalishlari davlat (oliy va oʻrta maxsus) taʼlim tizimiga kiritilgan.

Olimjon Bekov, Farida Sabitova.

---

Lotin alifbosida maqola: TEXNOGEN SANʼAT haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)