UCHChELLO

UCHChELLO (Uccello) (asli di Dono, di Dono) Paola (1397 — Florensiya — 1475.10.12) — italyan rassomi, Florensiya maktabining yirik namoyandasi. U. Donatello, F. Brunelleski, Mazachcho va 1407—14 y. larda L. Giberti ustaxonasida taʼlim olgan va undan ilhomlangan. Asosan, Florensiyada, shuningdek, Venetsiya (1425—30), Paduya (taxm. 1447), Urbino (1465—68)da ham ishlagan. Uchchello ijodida gotika shakllariga moyillik yangi, realistik sanʼat masalalariga boʻlgan qiziqish bilan gʻaroyib uygʻunlikka erishgan; portretlari («Kondotyera J. Akuto», Florensiyadagi sobor devoriga ishlangan freska, 1436), jang lavhalari («SanRomano yaqinidagi jang», taxm. 1450-y. lar oʻrtasi, nusxalari Uffitsida, Luvrda, Londondagi Milliy galereyada) va b. asarlari saklangan.

---

Lotin alifbosida maqola: UCHChELLO haqida to'liq ma'lumot kategoriyasi: U harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)