USHAKOV Diodor Vladimirovich

USHAKOV Diodor Vladimirovich (1907, Xarkov gubernyasi — 1971.12.4, Toshkent) — teatr rassomi, Oʻzbekistonda xizmat koʻrsatgan sanʼat arbobi (1965). Leningrad oliy badiiy texnika in-tida taʼlim olgan (1926—30). 1937-y. dan Oʻzbekistonda yashagan. Uning ijodi oʻzbek teatri dekoratsiyasi sanʼatida naturalistik holatlarga barham berishda muhim rol oʻynadi; I. Valdenberg bilan ijodiy hamkorlikda ishlab Toshkent sh. teatrlari uchun dekoratsiya va libos eskizlari tayyorladi. Hamza teatrining «Otello» (1941), «Romeo va Julyetta» (1956), «Hamlet» (1957), «Qonli sarob» (1964), «Sarvqomat dilbarim» (1964), «Qirol Lir» (1966) va b. spektakllari qamda Gorkiy teatrining «Soʻnggilar» (1939), «Dushmanlar» (1948), «Chin inson» (1954), «Qonli sarob» (1967) kabi spektakllari shular jumlasidan.

---

Lotin alifbosida maqola: USHAKOV Diodor Vladimirovich haqida to'liq ma'lumot kategoriyasi: U harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)