VARBURG APPARATI

VARBURG APPARATI — bosim va t-ra oʻzgarmay turadigan sharoitda oz miqdordagi gazni aniqlash uchun moʻljallangan qurilma; respirator. Gaz ajraladigan yoki yutiladigan jarayonlar — bijgish, ayrim fermentativ reaksiyalar va b. da yuz beradigan jarayonlarni oʻrganishda qoʻllaniladi. Nemis fiziologi O. G. Varburg nomi bilan atalgan. Varburg apparatining asosiy qismi manometrga biriktirilgan 12 — 14 ta shisha idishchalardan iborat. Idishchalarga bufer-tuzli muhitda maydalangan toʻqima yoki toʻqima fraksiyalari va b. sinaladigan obyekt solinadi. Idishchalar suvli vannaga botirib qoʻyiladi. Vannada termorostlagich va tebranuvchi mexanizm boʻladi. Ajralayotgan yoki yutilayotgan gaz mikdorshianometi/koʻrsatishlariga qarab aniqlanadi.

---

Lotin alifbosida maqola: VARBURG APPARATI haqida to'liq ma'lumot kategoriyasi: V harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)