«TOSHKENT YOGʻMOY KOMBINATI» AKSIYADORLIK JAMIYATI — yirik yogʻmoy korxonalaridan biri, «Yogʻmoytamakisanoat» uyushmasi tarkibida. Paxta chigitini qayta ishlash negizida margarin, oziq-ovqat yogʻlari, konditer maxsulotlari tayyorlash uchun ishlatiladigan yogʻlar, qadoqlangan va salat yogʻlari, mayonez, tozalanmagan yogʻ, salomas yogʻi ishlab chiqaradi. Ishlab chiqarish. ning ikkilamchi mahsulotlari — shulxa va kunjarani chorvachilik xoʻjaliklariga sotadi.
Korxonaning margarin ishlab chiqaruvchi 1navbati 1965-y. da, paxta yogʻi ishlab chiqaradigan (ishlab chiqarish. quvvati sutkasiga 360 t chigit ) 2navbati 1971-y. da foydalanishga topshirildi. 1992-y. yillik quvvati 22,4 ming t boʻlgan quyma margarin zdi qurib ishga tushirildi. 1994-y. da korxona ochiq turdagi «Toshmaryogʻ» aksiyadorlik jamiyatiga aylantirildi. 2003-y. dan aksiyalarining 62,4%ini sotib olgan Lixtenshteynning «Beglan investmen» kompaniyasi ishtirokidagi qoʻshma korxona. 2003-y. dan korxonada ishlab chiqariladigan mahsulotlar sifatini yaxshilash uchun chetdan palma, kokos, kungaboqar, soya yogʻlari sotib oladi.
2003-y. da 19901 t oziq-ovqat salomasi, 17650 t margarin mahsulotlari, 25 t mayonez, 786 t qadoqlangan moy, 3447 t oʻsimlik yogi ishlab chiqarildi. Mahsulotlari eksport qilinadi.