VIDEOSIGNAL — tasvir hosil qilinadigan oʻzgaruvchan elektr signal. Koʻpincha, Videosignal deyilganda tasvir signallarining oʻzi tushuniladi. Videosignal uzatilayotgan tasvirlarga mos keluvchi har xil amplitudali impulslar (yeritilganlik darajasi, uzatish muddati va b.)dan iborat boʻladi. Televideniyeda Videosignal (televizion signal) parametrlari obyekt tasvirining alohida uchastkasi ravshanligiga mutanosib boʻlgan elektr tebranishlardir. Bunday signal elektr-yorugʻlik oʻzgartirgichlar (mas., vid ikon, superortikon) yordamida hosil qilinadi. Videosignaldan fototelegrafiya va radiolokatsiyada ham foydalaniladi.