VITYAZ

«VITYAZ» — 1) yelkan-vintli harbiy kema (korvet). «V». da 1871-y. N. N. Mikluxo-Maklay Yangi Gvineya oroliga yetib borgan;

2) rus ekskursiya kemasining nomi (1836-y. qurilgan). «V», yordamida rus admirali S. O. Makarov rahbarligidagi ekspeditsiya 1886—89 y. larda dunyo aylanasi boʻylab suzgan va okeanografiyaga oid katta tadqiqotlar oʻtkazgan;

3) okeanologiya, okeanografiya va gidrobiologiya sohasida i. t. ishlari olib borish uchun 1948-y. kurilgan kema. Bir qancha lab. va murakkab asbob-uskunalar bilan jihozlangan bu kemada 1949-y. dan Tinch okean, Hind va Atlantika okeani hamda dengizlarni har tomonlama oʻrganish, ulardagi hayvonlar bilan oʻsimliklar olamini tekshirish yuzasidan i. t. ishlari olib borilgan. Xususan okeanning chuqur (6000 m) joylarida yashaydigan hayvonlarning yangi-yangi turlari topilgan. «V». 1979 i. foydalanishdan chiqarilib, Kaliningrad portiga qoʻyilgan;

4) qad. Rusda dovyurak, jasur jangchi.

---

Lotin alifbosida maqola: VITYAZ haqida to'liq ma'lumot kategoriyasi: V harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)