YOʻLDOSHEV Behzod Sodiqovich

YOʻLDOSHEV Behzod Sodiqovich (1945.9.5, Toshkent) — fizik olim, Oʻzbekiston FA akad. (2000), fizikamat, fanlari d-ri (1981), prof. (1987). ToshDU ni tugatgan (1968). Oʻzbekiston FA Yadro fizikasi in-tida ilmiy xodim (1968—83), direktor (1990-y. dan). Oʻzbekiston FA Fizika-texnika i. t. intida lab. mudiri (1984—90). 2000-y. 12 sent. dan Oʻzbekiston FA prezidenti. Ilmiy ishlari yuqori energiyalar fizikasi, yadroviy fizika va elementar zarralar fizikasiga oid. Yoʻldoshev rahbarligida Yadro fizikasi in-tida jahon standartlariga mos keluvchi radioizotoplarni keng koʻlamda i. ch. va chetga sotish ishlari yoʻlga qoʻyildi; mahalliy togʻ-kon sanoati chiqindilaridan asl va nodir metallarni qoʻshimcha ravishda ajratib olish texnologiyasi ishlab chiqildi va h. k.

Yoʻldoshev Vashington un-ti fizika f-ti prof. (1977—78; 80—81; 89—90) sifatida yuqori energiyali neytrinolarning oʻzaro taʼsirida boʻladigan yadroviy effektlarni oʻrganish boʻyicha ilmiy loyihaga rahbarlik qildi. Keyingi yillarda AQSH, Kanada, Rossiya va Oʻzbekiston fiziklari tomonidan Kanadaning «Triumf» yadroviy markazida va E. Fermi nomidagi Milliy tezlatkichlar lab. (Bataviya, AQSH) da hamkorlikda bajarilayotgan xalqaro ilmiy loyihalar rahbari.

Yoʻldoshev bir qancha xalqaro akademiyalar va xalqaro jamiyatlar aʼzosi, xorijiy untlar faxriy d-ri. «Oʻzbekiston milliy ensiklopediyasi» Bosh tahrir hayʼati aʼzosi (2001-y. dan). Beruniy nomidagi Oʻzbekiston Davlat mukofoti laureati (1983). 2-chaqiriq Oʻzbekiston Respublikasi Oliy Majlisi deputati.


Lotin alifbosida maqola: YOʻLDOSHEV Behzod Sodiqovich haqida to'liq ma'lumot kategoriyasi: Y harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)



TOSHKENT
FIZIKA
KIMYO
YADRO FIZIKASI
YAPONIYA


Добавить комментарий