XONKELDIYEV

XONKELDIYEV Karim (1912.9.5, Andijon — 1977.18.8, Guliston, Toshkentda dafn etilgan) — Oʻzbekiston xalq artisti (1964). 1934—58 y. lar Andijon teatrida, 1958—77 y. lar Toshkent yosh tomoshabinlar teatrida aktyor. Frans Moor (F. Shiller, «Qaroqchilar»), Mavlon (A. Qahhor, «Shohi soʻzana»), Ilhom (B. Rahmonov, «Yurak sirlari»), Zavqiy (S. Abdulla, «Muqimiy»), Xolmat (Hamza, «Boy ila xizmatchi»), Jevakin (N. Gogol, «Uylanish») kabi obrazlarni Andijon teatri sahnasida yaratdi. Qahramonlar xususiyatini, ijtimoiy muhit bilan munosabatlarini hayotiy va real tasvirlay oluvchi oʻziga xos aktyorlardan. «Muso Jalil» (N. Isambet) da Borman, «Shum bola»da Hojibobo kabi turli xarakterdagi rollar ijro etib, aktyorlik mahoratining yangi qirralarini namoyish etdi. 1959-y. dan Toshkent televideniyesida «Yulduzcha», 1962—77 y. lar «Otalar soʻzi aqlning koʻzi» koʻrsatuvlarini olib borgan.


Lotin alifbosida maqola: XONKELDIYEV haqida to'liq ma'lumot kategoriyasi: X harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)



TOSHKENT
FRANSIYA
XALQ IJODI
ABDULLA QAHHOR
XITOY


Добавить комментарий