GUMMI (lot. gummi, yun. kommi — yelim) , kamedlar — kompleks polisaxaridlar, organik moddalar; baʼzi daraxtlar (mas, har xil akatsiyalar, olcha, shaftoli va b.) tanasining shikastlangan yeridan oqib chiqib qotib qoladigan tiniq massa, yopishqoq quyuq shira. Smoladan farqli oʻlaroq, spirtda erimaydi. Yelim sifatida ishlatiladi; tibbiyotda qoplovchi va yumshatuvchi modda holida qoʻllaniladi.