МАНТУ СИНАМАСИ

МАНТУ СИНАМАСИ — тери орасига туберкулин юбориб синаб кўришдан иборат аллергикдиагностик усул; одамда сил касаллиги бор-йўклигини аниқлаш, БЦЖ вакцинаси билан эмланиши керак бўлган кишиларни топиш ва уларни эмлаш самарадорлигини билиш, силнинг кечишини баҳолаш мақсадида ўтказилади. Туберкулин сил ми-кобактерияларидан ажратиб олинадиган оқсил табиатли модда. Усулни француз олими Ш. Манту 1908 й. таклиф этган. Манту синамасида 2 хил туберкулин ишлатилади: Кох туберкулини (КТ) ва тозаланган туберкулин (инг. PPD — purifi ed protein derivative). Иккала туберкулин халқаро талабларга жавоб беради. 1952 й. дан бошлаб Жаҳон соғлиқни саклаш ташкилоти томонидан халқаро стандарт сифатида PPD қабул қилинди. Туберкулин фаоллиги туберкулин бирлигида (ТБ) белгиланади. Бир ТБ КТ учун 0,01 мг, PPD учун 0,0002 мг га тўғри келади.

Манту синамасида КТ ёки PPD 2 ТБ 0,1 мл миқдорда билак териси орасига юборилади. Натижани 48 ва 72 соатдан сўнг кўрилади. Укол қилинган жойда терининг қизариши ва шиш кузатилади, унинг каттакичиклигига қараб мусбат ёки манфий реакция аниқланади.

---

Кирилл алифбосида мақола: МАНТУ СИНАМАСИ ҳақида тўлиқ маълумот категорияси: М ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)