КУНГАБОҚАР МОЙИ

КУНГАБОҚАР МОЙИ — кунгабоқар мағзидан олинадиган мой. К. м. оч сариқ тусли. Пресслаб ёки экстракциялаб олинади. Зичлиги 925—927 кг/м3 (20° да), йод сони 119—136, гидроксил сони 2—10,6. Қотиш ҳарорати —16—19°. К. м. таркибидаги ёғ кислоталари миқдори (%): стеарин 1,6—4,6, пальмиттин 3,5— 6,4, миристин 0,1, олеин — 24—40, линол 46—62, линолен 1 гача. Ёғ кислоталарининг ўртача мол. м. 275 — 286. Фосфатидлар, токофероллар ва мум миқдори мой олиш ва ишлов бериш усулига боғлиқ. Кунгабоқар мойи халқ хўжалиги аҳамиятга эга бўлган энг муҳим ўсимлик мойларидан бири. Инсон учун фойдали, яхши ҳазм бўладиган озиқ-овқат маҳсулоти. Асосан, овқатга доғланмасдан ишлатилади, салатларга солинади, ундан маргарин ва озиқ-овқат ёғлари ишлаб чиқарилади. Кунжара ва шроти чорва моллари учун тўйимли озуқа ҳисобланади.

---

Кирилл алифбосида мақола: КУНГАБОҚАР МОЙИ ҳақида тўлиқ маълумот категорияси: К ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)