НОДИР МЕТАЛЛАРНИНГ ҚОТИШМАЛАРИ — нодир элементлар билан бошқа элементларни қўшиб суюқлантириш натижасида ҳосил бўладиган қотишмалар. Нодир металларнинг қотишмалари учун умумий хоссалар — иссиқбардошлик, коррозиябардошлик, оловбардошлик ва б. Энг кўп ишлатиладиган Нодир металларнинг қотишмалари жумласига ванадий қотишмалари, вольфрам қотишмалари, молибден қотишмалари, ниобий қотишмалари, рений қотишмалари, тантал қотишмалари, цирконий қотишмалари ва б. киради. Бу қотишмалар машинасозлик, асбобсозлик, ракетасозлик ва саноатнинг кўпгина бошқа тармоқларида ишлатилади.