ПИЛИК — 1) тўқимачиликда — пахта, жун, ипак ва зиғир толаларини бўшгина ҳимариб, чўзиб, тўғрилаб ҳосил қилинадиган маҳсулот. Пилтат нисбатан бирмунча юпқароқ ва текисроқ бўлади. Пилик йигириш усули (системаси) ва толаларнинг хилига қараб, ингичка ва йўғон Пилик ларга бўлинади. Мас, ипакдан тайёрланган Пилик пахта, жун ёки зиғир толаларидан олинадиган Пиликга нисбатан ингичкароқ чиқади.
Пилик ип йигириш учун асосий хом ашё ҳисобланади. Пилик, асосан, йигириш корхоналарида йигирув машинасида тайёрланади. Машинанинг асосий қисми — чўзувчи асбоб ва пишитиш-калавалаш механизми;
2) керосин лампа ёки керогазнинг керосин (ёки мой) ни ши-миб ёнадиган қисми. Ёритиш ёки киз-дириш асбобининг каттакичиклиги (номери) га қараб, Пилик ҳам энсизроқ ёки энлироқ бўлади (мас, 7-пилик, 10-пилик ва б.);
3) соч ўрами ечилиб кетмаслиги учун унинг учига қўшиб ўриладиган пахта толалари; 4) қош ёки киприкни бўяш учун учига пахта ўралган чўп.